Egnatia përmbys Tiranën dhe blindon kreun, kampionët triumfojnë në transfertë

Kampionët në fuqi të Egnatias kanë arkëtuar një fitore me mjaft vlerë në udhëtim ndaj Tiranës, duke u mbyllur ndeshjen e parë të javës së 10-të të Abissnet Superiores me rezultatin 1-2 në sfidën e zhvilluar në stadiumin e Vorës. Futbollistët e drejtuar nga rrogozhinasit u vunë nën presion qysh në start, pasi bardheblutë zhbllokuan shifrat që në minutën e 4-tërmes një realizimi spektakolar nga Drilon Hazrollaj. Megjithatë, reagimi i skuadrës nga Rrogozhina solli barazimin në minutën e 28-të, ku Karim Loukili dërgoi topin në rrjetë me kokë pas një krosimi të saktë nga Edison Ndreca. Sulmuesi e festoi golin duke ia dedikuar atë shokut të skuadrës, Eljon Sota, i cili u dëmtua rëndë në mesjavë në përballjen kundër Teutës. Fraksioni i parë i lojës u mbyll me barazimin e merituar 1-1. Në pjesën e dytë, Egnatia intensifikoi sulmet dhe gjeti golin e tri pikëve të arta në minutën e 77-të. Pas një topit të gjatë të nisur nga mbrojtja prej Albano Aleksit, Ibrahim Diakite bëri një depërtim mbresëlënës në zonë, kaloi me sukses mbrojtësit e Tiranës dhe shënoi golin e fitores. Me këtë sukses 1-2, Egnatia konfirmon formën e shkëlqyer dhe forcon edhe më shumë vendin e parë në klasifikim, duke shkuar në kuotën e 24 pikëve.