Tri pikë vendimtare për Prishtinën e Re, Astrit Berisha shkëlqen me dy gola ndaj Suharekës

Prishtina e Re ka triumfuar në derbin e javës së 13-të në Ligën e Parë të Kosovës, duke regjistruar një fitore bindëse me shifrat 3:1 përballë Suharekës. Falë këtij suksesi në këtë duel të rëndësishëm, skuadra nga Hajvalia mbetet fuqishëm në garë për kreun e renditjes tabelare. Njeriu i ndeshjes ishte Astrit Berisha, i cili vulosi fitoren duke tundur dy herë rrjetën; fillimisht në minutën e 33-të dhe më pas u tregua i saktë nga penalltia në minutën e 79-të. Ndërkaq, epërsia e vendasve u plotësua edhe nga një autogol i Drilon Fazliut në minutën e 63-të. Pas kësaj xhiroje, Liria ruajt udhëheqjen e tabelës me 29 pikë, vetëm një hap para Prishtinës së Re, e cila pozicionohet e dyta me 28 pikë në llogarinë e saj. Në krahun tjetër, pas këtij rezultati negativ, Suhareka zbret në vendin e nëntë të klasifikimit, duke mbetur në kuotën e 19 pikëve.