Paraqitja fantastike në “El Clasico” detyron Mourinhon të ndryshojë strategjinë për portën

Paraqitja mbresëlënëse e Andriy Lunin në “El Clasico”-n e fundjavës së kaluar, e cila u mbyll me fitoren 1-2 të madrilenëve, ka sjellë kthesë në planet e klubit. Guardiani ukrainas u hodh nga minuta e parë për shkak të mungesës së Thibaut Courtois, i cili mbeti jashtë fushës për shkak të një gripi. Lunin shfrytëzoi në maksimum këtë mundësi, duke bërë një paraqitje fantastike nën shtylla. Sipas mediave spanjolle, si “OK Diario”, duke konstatuar angazhimin dhe formën e shkëlqyer të portierit, Jose Mourinho ka vendosur t'i besojë atij më shumë hapësirë në vazhdim, pavarësisht rikthimit të afërt të Courtois. Plani parashikon që Lunin të ruajë portën në sfidat e Kupës së Mbretit dhe në disa takime të rëndësishme të UEFA Champions League. Pavarësisht se drejtuesit e klubit kanë qenë të gatshëm të shqyrtonin një shitje të mundshme të portierit gjatë merkatos së ardhshme, ky zhvillim i ri rreth rolit të tij pritet të përmbysë totalisht skenarin e merkatos. Vlen të theksohet se Thibaut Courtois ka zgjatur kontratën e tij edhe për një sezon, duke e lidhur të ardhmen me Real Madridin deri në vitin 2028, ndërsa pas largimit të tij, Lunin shihet si pasardhësi i natyrshëm për fanellën e titullarit.