Faturë e kripur për energjinë: Kosova shpenzon mbi 1 miliard euro për rrymë të importuar brenda pesë viteve

Sektori energjetik i Kosovës vazhdon të ballafaqohet me sfida financiare të rënda, teksa shpenzimet për mbulimin e nevojave vendase përmes importit kanë arritur shifra astronomike. Sipas të dhënave zyrtare, nga janari i vitit 2021 e deri në muajin shtator të vitit 2026, vendi ka paguar gjithsej 1.03 miliard euro vetëm për blerjen e rrymës nga jashtë. Statistikat tregojnë një tendencë të theksuar rritëse të varësisë nga tregu i huaj gjatë vitit 2025. Bazuar në raportin e publikuar nga Atlas Institute, gjatë kësaj periudhe Kosova ka importuar 1.965 gigavat-orë (GWh) energji elektrike, duke shënuar një rritje prej 42 për qind krahasuar me vitin paraprak. Përballë këtij hovi të importit, prodhimi vendor ka shënuar rënie, duke zbritur në 5.928 GWh, ose 12.6 për qind më pak se në vitin 2024. Për më tepër, sipas të dhënave të njëjta, çdo 100 kilovat-orë (GWh) e konsumuar sigurohet drejtpërdrejt nga importi. Trendi i blerjeve jashtë vendit pritet të vijojë edhe më tej. Atlas Institute parashikon se importi i planifikuar për vitin 2026 do të kapë shifrën e 2.158 gigavat-orëve. Ndërkohë, vetëm deri në muajin shtator të këtij viti, faturat e paguara për energjinë e importuar kanë prekur kuotën e 182 milionë eurove.