“El Clasico” merr flakë: Raphinha rikthen Barcelonën në lojë me një gol fantastik

Katalanasit kanë arritur të vendosin ekuilibrin në përballjen e madhe kundër Real Madridit, duke ndezur edhe më shumë atmosferën në këtë “El Clasico”. Ishte sulmuesi brazilian Raphinha ai i cili shkundi rrjetën në minutën e 61-të të sfidës, pasi u shërbye në mënyrë perfekte nga mesfushori Pedri. Aksioni vendimtar lindi papritur nga një goditje këndi e ekzekutuar me shpejtësi, moment ky ku prapavija e “Los Blancos” u kap në befasi dhe dështoi të reagojë në kohë.