Pas plot 253 ditësh pritjeje, Lirim Kastrati shfaqet i përllotur pas triumfit në Klasike

Një pauzë e gjatë prej 253 ditësh larg fushave të blerta ka marrë fund për Lirim Kastratin, pikërisht në sfidën më të madhe të futbollit shqiptar, në Klasiken mes Vllaznisë dhe Tiranës, e cila u mbyll me fitoren 2-0 të shkodranëve në stadiumin “Loro Boriçi”. Sulmuesi ka lënë përfundimisht pas dëmtimin e rëndë që e la gjatë jashtë fushës, duke u aktivizuar në fraksionin e dytë të lojës dhe duke fituar besimin e plotë të trajnerit Csaba Laszlo për minutat e dhëna në fushë. Ky rikthim i shumëpritur ka sjellë emocione të forta për futbollistin, i cili ka shfrytëzuar rrjetin social Instagram për të ndarë ndjenjat e tij me ndjekësit rreth këtij kapitulli të vështirë që tashmë i theu shifrat e mungesës. Kastrati e ka përshkruar këtë periudhë prej 253 ditësh si një sprovë të mbushur me sakrifica, dhimbje, pritje dhe punë të palodhur, ndërkohë që nuk on harruar të shprehë mirënjohjen e tij për secilin që i qëndroi pranë në ditët e vështira. Tashmë, faqja e re është hapur për sulmuesin, i cili është i përqendruar plotësisht te sfidat e ardhshme kampionatore. Nga ana tjetër, tekniku Laszlo pret me padurim që Kastrati të rikthehet në formën e tij maksimale, çka do të përbëjë një armë të fortë për Vllazninë në misionin për të lënë pas zonën e rrezikut dhe për t'u rimëkëmbur nga ky moment delikat.