Incident i rëndë në Prishtinë: Qentë endacakë sulmojnë fëmijën 8-vjeçar

Një ngjarje e pakëndshme ka tronditur një familje në kryeqytet, pasi djali i tyre i mitur, vetëm 8 vjeç, është bërë pre e sulmit nga qentë endacakë në Prishtinë. Sipas dëshmisë së dhënë nga prindërit e të miturit, ngjarja e rëndë ka ndodhur gjatë ditës së enjte në lagjen e njohur “Bregu i Diellit”. Familjarët bënë të ditur se pas sulmit, vogëlushi ka marrë menjëherë ndihmën e nevojshme mjekësore, ndërkohë që për rastin janë njoftuar edhe autoritetet kompetente për hapat e mëtejshëm.