Veprim i pazakontë i Johnny Depp në Las Vegas, aktori shfaqet duke përtypur gjethe dekorative në një festë

Ylli i kinematografisë, Johnny Depp, ka bërë bujë në median rozë pas shfaqjes së tij në një ngjarje festive në Las Vegas, ku është kapur nga kamerat duke konsumuar gjethe artificiale. Ngjarja ka ndodhur të shtunën mbrëma, gjatë një mbrëmjeje të organizuar në ambientet e Park MGM. 63-vjeçari ndodhej atje në kuadër të një eventi të lidhur me promovimin e rumit të tij të markës “Three Hearts”, i cili u zhvillua gjatë manifestimit “Drink Las Vegas”. I njohur për interpretimet e tij ikonike në filma si “Pirates of the Caribbean” dhe “Edward Scissorhands”, aktori u shfaq i veshur totalisht me të errëta, ndërsa pamjen e tij e kishte plotësuar me një kapelë, syze dielli dhe unaza masive në duar. Megjithatë, fokusi i të gjithëve u zhvendos te një sjellje tejet e çuditshme gjatë kohës që ylli i Hollywood-it po pozonte para objektivave të fotografëve. Në një moment të papritur, Depp iu afrua një muri të veshur me bimësi dekorative dhe futi fytyrën mes gjelbërimit artificial. Menjëherë pas kësaj, ai u pa duke përtypur një nga gjethet e murit, teksa blici i aparatëve të fotografëve nuk ndalej duke shkrepur. Pasi e përtypi për disa çaste, aktori e nxori gjethen nga goja, por vendosi të përsërisë të njëjtin veprim. Ai u kthyer sërish drejt dekorit të gjelbër, shkëputi një tjetër gjethe dhe vazhdoi të pozojë para kamerave, ndërkohë që në njërën dorë mbante gotën e tij. Këto pamje surrealiste u shpërndarë me shpejtësi në platformat e ndryshme sociale, duke u kthyer në një nga temat më të komentuara dhe virale të këtij eventi. Krahas momenteve humoristike dhe vëmendjes publike, aktori vijon angazhimet e tij artistike, duke përgatitur rikthimin e fuqishëm në ekranin e madh, pas një periudhe të gjatë sfidash ligjore dhe shpërthimesh mediatike.