Strategjia e bardhezinjve: Juventus synon tri afrime ‘big’ pa shpenzuar asnjë cent në verë

Drejtuesit e Juventusit kanë nisur nga puna për të hedhur themelet e skuadrës së sezonit të ardhshëm, duke orientuar sytë nga tregu i transferimeve me parametra zero. Gjiganti torinez ka identifikuar tashmë tre lojtarë kyç që u skadojnë kontratat, me synimin për t'i siguruar shërbimet e tyre pa paguar dëmshpërblim për kartonin. Sipas raportimeve të mediave italiane, bëhet fjalë për mesfushorin Mateo Kovacic, mbrojtësin Fikayo Tomori dhe anësorin David Raum. Për mesfushorin kroat, Serie A nuk është një terren i panjohur. Ai ka mbrojtur ngjyrat e Interit në rininë e tij, përpara se të niste rrugëtimin drejt Real Madridit. Nga ana tjetër, Fikayo Tomori po shkon drejt një ndarjeje me Milanin, pasi palët nuk kanë arritur të gjejnë një akord për vazhdimin e bashkëpunimit. Mbrojtësi anglez pritet të ndërrojë ambient, por duket se do të vijojë karrierën në elitën e futbollit italian, një shënjestër kjo e vjetër edhe e trajnerit Luciano Spalletti. Ndërkohë, David Raum është i hapur për një kapitull të ri në karrierën e tij, duke kërkuar largimin nga radhët e Leipzigut dhe Bundesligës për të provuar një eksperiencë të re në Itali.