Tragjedi në Maliq: 44-vjeçari humb jetën pasi shtypet nga automjeti i tij

Një ngjarje e rëndë ka tronditur qytetin e Maliqit, ku një burrë 44-vjeçar ka ndërruar jetë pasi është zënë poshtë nga mjeti i tij gjatë orëve të para të mëngjesit. Sipas informacioneve zyrtare nga autoritetet policore, viktima ishte duke vendosur disa orendi apo materiale në automjetin e tij. Për shkak se nuk kishte aktivizuar sistemin e frenimit të dorës, automjeti ka nisur të lëvizë papritur, duke e përplasur dhe zënë përfundimisht poshtë, çka solli fatalitetin. Në njoftimin e plotë të Policisë thuhet: “Rreth orës 07:10, në qytetin e Maliqit, në lagjen “Krastafilak”, shtetasi I. K., 44 vjeç, duke ngarkuar disa sende në automjetin e tij, si pasojë e mos sigurimit të automjetit me frenë dore, automjeti ka lëvizur dhe e ka zënë poshtë, duke i shkaktuar humbjen e jetës”. Pas ngjarjes tragjike, strukturat kompetente dhe grupi hetimor kanë mbërritur në vendngjarje dhe kanë nisur hetimet intensive, me synimin për të zbardhur plotësisht dinamikën dhe rrethanat në të cilat ndodhi ky aksident fatal.