Vizita transit e kryeministrit Mickoski: Policia e Kosovës paralajmëron bllokada të përkohshme trafiku

Prishtinë, 21 tetor 2026 Gjatë datave 21 dhe 22 tetor 2026, kryeministri i Republikës së Maqedonisë së Veriut, Hristijan Mickoski, do të realizojë një kalim transit nëpër territorin e Republikës së Kosovës. Për këtë arsye, Policia e Kosovës ka ndërmarrë të gjitha masat e nevojshme të sigurisë dhe do të angazhohet për mbarëvajtjen dhe rregullimin e qarkullimit rrugor gjatë gjithë kohës së lëvizjes së tij. Për të garantuar qarkullim të sigurt dhe pa pengesa për eskortën zyrtare sipas itinerarit të caktuar, duke nisur nga pika kufitare e Hanit të Elezit e deri në dalje në Vermicë, autoritetet policore do të realizojnë ndërprerje të përkohshme të trafikut në intervale të shkurtra kohore përgjatë disa segmenteve rrugore. Policia e Kosovës u bën thirrje qytetarëve dhe drejtuesve të mjeteve për mirëkuptim dhe bashkëpunim gjatë kësaj kohe.