Kamenicë: Policia kap në flagrancë shoferin që po transportonte 160 kilogramë mish pa dokumentacion

Një rast i transportit të paligjshëm të mallrave është zbuluar nga Policia e Kosovës në fshatin Novosellë të Kamenicës, ku gjatë një kontrolli rutinor në automjetin e një personi janë u gjetën dhe u sekuestruan 160 kilogramë mish që nuk posedonte dokumentacionin e nevojshëm përcjellës. Sipas informacioneve zyrtare të autoriteteve policore, ngjarja ka ndodhur më 17 tetor, rreth orës 13:15, kur zyrtarët policorë ndaluan veturën e dyshimtë për verifikim të rregullt. Sasia e mishit të konfiskuar i është dorëzuar menjëherë Agjencisë së Ushqimit dhe Veterinarisë (AUV) për të vazhduar me procedurat e parapara ligjore dhe sanitare. Ndërkohë, lidhur me këtë ngjarje, Policia ka iniciuar rastin zyrtar ndaj të dyshuarit me veprën penale “Transport ilegal i mallit”.