Humbin gjurmët e dy të miturave në Gjilan, familjarët njoftojnë policinë

Një ngjarje shqetësuese është regjistruar në fshatin Livoç i Epërm të komunës së Gjilanit, ku dy vajza të mitura janë raportuar si të zhdukura. Sipas të dhënave zyrtare nga Policia e Kosovës, rasti është denoncuar nga anëtarët e familjes më 16 tetor, rreth orës 23:50. Familjarët kanë bërë të ditur se të miturat kishin dalë së bashku nga shtëpia dhe se deri më tani nuk kanë asnjë informacion mbi fatin apo vendndodhjen e tyre.