Tensionet në Tiranë: Protestuesit bllokojnë rrugët me kosha të djegur dhe dëmtojnë bizneset

Turma e protestuesve ka zhvendosur lëvizjen e saj drejt zonës së rrugës “Myslym Shyri” dhe Unazës së Vogël, ku ka ndezur zjarr në koshat e mbeturinave duke i vendosur në mes të korsive, çka ka sjellë bllokimin e plotë të qarkullimit rrugor për automjetet. Në vijim të marshimit, protestuesit kanë mbërritur deri pranë sheshit “Willson”, ku situata ka eskaluar përmes përmbysjes së tabelave reklamuese në trotuare dhe shkaktimit të dëmeve materiale në disa prej bizneseve lokale. Përballë kësaj situate, një numër i konsiderueshëm i forcave zjarrfikëse është angazhuar menjëherë në terren për të ndërhyrë dhe vënë në kontroll flakët e përhapura në kontejnerët e mbeturinave.