Fenomeni Haaland thyen rekordin historik të Messit në Ligën e Kampionëve

Erling Haaland vazhdon të dëshmojë se është një forcë e pandalshme para portës kundërshtare, duke vazhduar me hapa të sigurt në faqet e historisë së Ligës së Kampionëve. Ndonëse Manchester City pësoi humbje 2-4 në stadiumin “Etihad” përballë Paris Saint-Germainit, sulmuesi nga Norvegjia arriti të shënojë dy herë. Këto goly e çuan ish-lojtarin e Salzburgut dhe Borussia Dortmundit në kuotën e 61 realizimeve në vetëm 60 paraqitje brenda kompeticionit më madh evropian për klube. Kjo statistikë përbën një sukses sensacional, duke e renditur Haalandin para yllit argjentinas, Lionel Messi. Për të regjistruar 60 gola në Champions League, legjendës argjentinase i ishin dashur 80 ndeshje, ndërsa bomberi aktual i “Qytetarëve” e ka regjistruar këtë shifër pas vetëm 60 takimesh. Sulmuesi skandinav e ka vendosur këtë standard të jashtëzakonshëm duke qenë gjithashtu në një moshë më të re krahasuar me Messin. Konkretisht, Haaland e preku këtë kuotë kur ishte 26 vjeç e 85 ditë, ndërsa argjentinasi e kishte arritur kur kishte mbushur 26 vjeç e 86 ditë. Kjo do të thotë se norvegjezi ka vendosur këtë pikëreferimi historike vetëm një ditë më i ri se rivali i tij legjendar. Këto shifra flasin qartë për instinktin e rrallë të sulmuesit norvegjez dhe peshën e madhe që ai ka fituar në arenën ndërkombëtare të futbollit. Pavarësisht disfatës së skuadrës së tij ndaj parizienëve, Haaland konfirmon edhe një herë se mbetet një prej golashënuesve më të rrezikshëm në historinë e futbollit modern, duke lënë pas rekorde që dikur mendoheshin të pamundura për t'u prekur.