Përplasjet e 13 tetorit në Tiranë, Luiz Ejlli thyer heshtjen: Shteti nuk duhet të krijojë frikë te qytetarët

Vala e reagimeve pas përplasjeve të dhunshme mes studentëve dhe forcave të rendit gjatë protestës së 13 tetorit në kryeqytet ka përfshirë edhe figura të njohura publike, mes tyre edhe këngëtarin e njohur Luiz Ejlli. Artisti i njohur ka përdorur llogarinë e tij zyrtare në rrjetin social Instagram për të bërë publike pikëpamjen e tij mbi qasjen që autoritetet duhet të tregojnë ndaj qytetarëve, sidomos në situata kur manifestojnë pakënaqësitë e tyre legjitime. "Një shtet matet nga mënyra se si i trajton njerëzit kur ata nuk pajtohen me të. Populli nuk duhet të ketë frikë nga ata që paguhen për ta mbrojtur," ka shkruar Luizi në mesazhin e tij. Më tej, në reagimin e tij, këngëtari ka vënë theksin te pozita e vështirë e rinisë dhe vuajtja e atyre që kërkojnë të drejtat e tyre, duke nënvizuar domosdoshmërinë që zëri studentor të merret seriozisht parasysh. "Nuk ka britmë më të dhimbshme se sa ajo e një studenti që kërkon drejtësi dhe përfundon duke kërkuar mëshirë," është shprehur ndër të tjera ai. Tubimi i organizuar më 13 tetor kishte në qendër të vëmendjes problemet kritike me kushtet në universitete dhe pasigurinë për të ardhmen e gjeneratës së re. Gjatë zhvillimit të tij pati tensione të theksuara, përplasje fizike, dëmtime të pronës institucionale dhe disa persona që pësuan lëndime. Në mbyllje të prononcimit të tij publik, Luizi u ka kushtuar një mendim solidarizues personave të lënduar dhe familjarëve të tyre, duke bërë thirrje që kjo ngjarje të shërbejë për të mos u harruar kurrë. "Lutem Zotit që t’i japi forcë atyre që sot po qajnë, t’i shërohen plagët atyre që janë lënduar dhe të mos lejojë që dhimbja e tyre të harrohet nesër," ka përfunduar këngëtari.