Trazirat në Tiranë, reagon Partia Socialiste: Kush e dashuron vendin nuk e shkatërron atë

Partia Socialiste ka lëshuar një reagim zyrtar lidhur me zhvillimet e dhunshme në protestën që po mbahet në kryeqytet, ku raportohet për dëme materiale, biznese të dëmtuara dhe sulme ndaj pronës publike dhe private. Përmes një deklarate të prerë kundër akteve vandale, kjo forcë politike thekson se dashuria e vërtetë për atdheun nuk shfaqet kurrë përmes shkatërrimit të tij. "DHUNA NUK ËSHTË ZGJIDHJE!! Shqipëria e ka paguar jashtëzakonisht shtrenjtë faturën e kaosit në të kaluarën, ku në emër të zemërimit dhe revoltës, u sulmuan institucione e u shkatërrua prona. Cilido që e do atdheun nuk shkatërron Shqipërinë!", thuhet në reagimin e Partisë Socialiste.