Kupa e Maqedonisë: Rabotniçki vulos kualifikimin, katër skuadra shqiptare mes 16 më të mirave

Skuadra e Rabotniçkit ka prerë biletën e fundit për në fazën e 1/8 së finales në Kupën e Maqedonisë, pasi ka regjistruar një triumf bindës në udhëtim ndaj Vardarit të Negotinit. Në këtë duel, ekipi i njohur me nofkën “Romantikët” nuk i la asnjë mundësi kundërshtarit, duke e mbyllur takimin me rezultatin e thellë 8:0 në favor të tyre dhe duke kompletuar kështu listën e skuadrave që kalojnë më tutje. Me këtë sukses të Rabotniçkit, numri i skuadrave shqiptare që do të vazhdojnë garën në këtë fazë të garës masive arrin në katër. Ndërkohë, biletat për në mesin e 16 ekipeve më të mira ishin siguruar më herët edhe nga formacione të tjera të njohura si Struga Trim Lum, Pelisteri, Brera Strumica, Makedonija GJ.P., Vardari, Bashkimi i Kumanovës, Kamenica Sasa, Bregallnica, Shkupi, Shkëndija e Haraçinës, Novaci, Bellasica, Arsimi i Çegranit, Tikveshi, si dhe Sileksi, që mbron trofeun e fituar gjatë edicionit të kaluar.