Intervista që pushtoi rrjetin: Trajneri çek vihet në siklet nga gazetarja dhe shmang shikimin

Gazetarja sportive e televizionit çek, Sabina Jaksova, është kthyer në fenomen viral gjatë ditëve të fundit, pas një bisede para kamerave në fushën e gjelbër me David OLEHLA-n, trajnerin e skuadrës FK Viagem Ústí nad Labem që militon në kategorinë e dytë të futbollit në Republikën Çeke. Momenti i transmetuar ka elektrizuar rrjetet sociale dhe ka nxitur valë komentesh me nota humori nga ana e ndjekësve të futbollit, të cilët vunë re ngushtësinë dhe përpjekjet e dukshme të kreut të stafit teknik për të mos e drejtuar shikimin nga gazetarja. Gjatë kësaj daljeje publike, Sabina kishte zgjedhur të paraqitej me një bluzë me dekolte të theksuar, e veshur sipër me një xhaketë të bardhë e të stiluar. Sipas mediave ndërkombëtare, Jaksova ka hyrë në botën e gazetarisë së klubeve vetëm pak kohë më parë, pasi u angazhua në këtë detyrë gjatë merkatos së verës që lamë pas. “Drejtuesit e klubit më kontaktuan në rrugë zyrtare dhe më propozuan angazhimin. E pranoj se fillimisht u ndjeva e surprizuar dhe jashtëzakonisht e vlerësuar. Mua mu desh pak kohë për t'u menduar, por në fund vendosa se ia vlente ta provoja këtë sfidë. Edhe pse nuk kisha asnjë lloj bagazhi apo eksperience paraprake në gazetarinë sportive, mjeshtërinë e kam fituar duke punuar në terren çdo ditë”, ka treguar ajo. “Në fakt, mua më entuziazmon përvetësimi i njohurive të reja, sfidat e panjohura dhe rritja e vazhdueshme profesionale. E gjithë kjo situatë vjen në mënyrë shumë natyrale dhe organike. Po kuptoj hap pas hapi se si funksionojnë mekanizmat e brendshëm të një klubi futbolli”, ka vijuar më tej ajo. Në rrëfimin e saj, gazetarja është ndalur edhe te parimet e saj morale dhe mënyrën se si e menaxhon këtë hov të papritur popullariteti. “Natyrisht që ekzistojnë vija të kuqe që unë nuk i kaloj. Parimi im kryesor është që të ruaj autenticitetin dhe të ndihem komode me veten time. Çështjet e estetikës, të veshjes apo edhe temat e bisedave i vlerësoj gjithmonë me maturi dhe në raportin e duhur. Megjithatë, sikur ndonjë situatë të caktuar t'i kalonte kufijtë e normales, unë nuk do të ngurroja ta thoja hapur”, ka përfunduar Sabina Jaksova.