Revolucion në kinematografinë shqiptare: Synohet rabat prej 35 për qind për prodhimet filmike

Qendra Kombëtare e Kinematografisë ka hedhur në tryezë projektligjin e ri për kinematografinë, një nismë që vjen si domosdoshmëri për të përditësuar bazën ligjore ekzistuese që daton që nga viti 1996. Projektbuxheti dhe dispozitat e reja synojnë të japin një impuls të fuqishëm industri audiovizuale në vend, duke e zgjeruar fushën e mbështetjes financiare dhe institucionale shumë më gjerë se kufijtë e kinemasë tradicionale. Sipas këtij projektligji, fokusi do të përfshijë gjithashtu produksionet moderne si serialet televizive, zhvillimin e videolojërave dhe krijime të tjera digjitale e multimediale.