Formula 1 bëhet gati për rikthimin historik në Afrikë, arrihet marrëveshja 10-vjeçare

Federata Ndërkombëtare e Automobilizmit (FIA) dhe shteti i Ruandës kanë finalizuar një marrëveshje historike, e cila i jep fund një pritjeje të gjatë prej 37 vitesh dhe rikthen spektaklin e Formula 1 në kontinentin afrikan. Ky akord vjen pas një pune disavjeçare mes palëve të interesuara. Sipas planit të konfirmuar në parim, kalendari i Formula 1 do të pasurohet me një Çmim të Madh të zhvilluar në Ruandë, me nisjen zyrtare të parashikuar për vitin 2030. Pista e re e garave do të shtrihet në afërsi të Aeroportit Ndërkombëtar të Bugeserës, rreth 40 kilometra larg kryeqytetit Kigali. Ky qark është projektuar me kujdes nga kompania “WurzDesign”, e cila drejtohet nga ish-piloti Alexander Wurz.