Pas pauzës disamujore, Dani Carvajal zyrtarizohet te skuadra e re në La Liga

Mbrojtësi i njohur spanjoll, Dani Carvajal, i ka dhënë fund periudhës së tij pa skuadër, duke nisur një kapitull të ri në karrierë pas disa muajsh pushimi. Futbollisti ka zyrtarizuar marrëveshjen e re duke hedhur firmën në kontratë me klubin e Getafes, ndërsa ditën e sotme është parë i pranishëm në zyrat e kësaj skuadre spanjolle. Kujtojmë se ish-ylli i mbrojtjes së Real Madridit kishte mbetur lojtar i lirë që prej muajit qershor, kohë kur i kishte përfunduar kontrata me “Los Blancos”. Me këtë lëvizje, tifozët do të kenë mundësinë ta shohin sërish Carvajalin në fushë, duke vazhduar paraqitjet e tij në elitën e futbollit spanjoll, La Liga.