Kërcënimi nga PDK: Moszbatimi i ndryshimeve ligjore mund t'i hapë rrugë shuarjes së Gjykatës Speciale

Deputeti i Partisë Demokratike të Kosovës, Përparim Gruda, ka ngritur shqetësimin se moszbatimi i ndryshimeve në Ligjin për Dhomat e Specializuara mund të krijojë rrethanat që Kosova të shqyrtojë mundësinë e tërheqjes nga marrëveshja me Bashkimin Evropian për këtë gjykatë. Këto deklarata ai i bëri gjatë një paraqitjeje televizive në RTV Dukagjini, ku u ndal te pasojat e mundshme të mosrespektimit të kornizës ligjore. Gjatë diskutimit, Gruda sqaroi se nuk mund të kontestohen të gjitha nenet e ligjit në fjalë, ndërsa theksoi se raportet e përgatitura nga institucionet evropiane mund të shërbejnë si bazë themelore për hapjen e një procesi dialogu me Brukselin. Sipas tij, nëse ligji nuk gjen zbatohet dhe nëse raportet e instituteve prestigjioze evropiane prodhojnë gjetje të caktuara, vendi ynë do të ketë hapësirë ligjore dhe politike për të diskutuar zhbërjen e marrëveshjes ekzistuese. Në fund, deputeti i opozitës u shpreh se ekzistojnë mekanizma përmes të cilëve shteti mund të veprojë për të dalë nga kjo marrëveshje, qoftë edhe përmes vendimmarrjes kuvendore, duke pranuar njëkohësisht se një hap i tillë mund të sjellë pasoja financiare apo arbitrazh në raport me Bashkimin Evropian.