Agjenda e ngjarjeve për 13 tetor: Mbledhjet e komisioneve parlamentare dhe aktivitetet kulturore

Për ditën e hënë, më 13 tetor, është paralajmëruar një sërë aktivitetesh institucionale, mbledhjesh të komisioneve kuvendore dhe ngjarjesh kulturore e shkencore në vend. Në orën 10:00, në hotelin “Swiss Diamond” në Prishtinë, Qendra për Promovimin e të Drejtave të Njeriut (ATRC) dhe Banka Botërore do të përmbyllin zyrtarisht projektin PIAKOS, i cili fokusohet te regjistrimi i pronës. Në të njëjtën kohë, në orën 10:00, Kuvendi i Kosovës do të jetë pikëqendra e disa mbledhjeve komisionare. Komisioni për Ekonomi, Industri, Ndërmarrësi, Tregti dhe Inovacion do të shqyrtojë planin e punës për sesionin vjeshtor 2026 në sallën N-10. Ndërkaq, në sallën N-302, Komisioni për Shëndetësi do të mbajë mbledhjen për miratimin e fushëveprimit të tij. Po në orën 10:00, në sallën N-204, Komisioni për Kulturë, Turizëm, Sport dhe Rini do të analizojë Projektligjin për ndryshimin dhe plotësimin e Ligjit mbi ndarjet buxhetore për vitin 2026 që hyjnë në fushëveprimin e tij. Axhenda e Kuvendit vazhdon në orën 11:00 me mbledhje të tjera të rëndësishme. Komisioni për Buxhet do të shqyrtojë Projektligjin për Parandalimin e Pastrimit të Parave dhe Luftimin e Financimit të Terrorizmit në sallën C-203. Në të njëjtën orë, në sallën N-303, Komisioni për Punë të Jashtme dhe Diasporë do të trajtojë Projektligjin për ndryshimin dhe plotësimin e Ligjit mbi ndarjet buxhetore për vitin 2026. Në fushën e kulturës dhe shkencës, po ashtu në orën 11:00, Instituti Albanologjik i Prishtinës do të organizojë tryezën shkencore të titulluar “Lorenc Antoni: vepra, kujtesa dhe trashëgimia”. Mbasdite, duke filluar nga ora 13:00, Kuvendi i Kosovës do të presë tri komisione të tjera. Komisioni për Arsim dhe Shkencë do të shqyrtojë Projektligjin nr. 11/L-013 për ndryshimin dhe plotësimin e Ligjit nr. 10/L-001 për ndarjet buxhetore të Buxhetit të Republikës së Kosovës për vitin 2026, në sallën N-204. Në sallën N-303, Komisioni për Administratë Publike, Digjitalizim, Pushtet Lokal, Media dhe Zhvillim Rajonal do të diskutojë Projektligjin për ndryshimin dhe plotësimin e Ligjit mbi ndarjet buxhetore. Gjithashtu, në sallën N-302, Komisioni për Mjedis, Planifikim Hapësinor, Ushqim, Bujqësi, Pylltari, Zhvillim Rural, Infrastrukturë dhe Transport do të trajtojë Projektligjin për ndryshimin dhe plotësimin e Ligjit për Ndarjet Buxhetore për vitin 2026. Dita do të përmyllet me mbledhjen e Komisionit të Posaçëm për shqyrtimin e kandidatëve për emërim në Gjykatën Kushtetuese, i cili do të mblidhet në orën 14:00, në sallën C-301 të Kuvendit, për të shqyrtuar publikimin e ftesës publike për zgjedhjen e dy gjyqtarëve në këtë gjykatë.