Kthesë e menjëhershme e motit: Të dielën kthehen reshjet e shiut dhe ulja e ndjeshme e temperaturave

Fundjava pritet të sjellë ndryshime rrënjësore të kushteve atmosferike në vend, ku dita e diel do të karakterizohet nga vranësira dhe reshje shiu që në pjesë të caktuara të territorit do të jenë me intensitet më të lartë. Sipas të dhënave zyrtare nga Instituti Hidrometeorologjik i Kosovës, reshjet e shiut do të variojnë nga mesatare deri në ato të fuqishme, ndërsa vende-vende parashikohen edhe reshje më të theksuara. Sa i përket vlerave termike, termometrat do shënojnë rënie. Temperaturat minimale do të lëvizin ndërmjet 6 dhe 11 gradë Celsius, kurse ato maksimale të ditës do të ngjiten nga 12 deri në 16 gradë Celsius. Po ashtu, meteorologët parashikojnë fryrje të erës kryesisht nga veriperëndimi dhe verilindja, e cila do të ecë me një shpejtësi mesatare prej 1 deri në 9 metra në sekondë.