Përparim Rama: Shëndeti mendor meriton vëmendje dhe nuk duhet lënë në heshtje

Kryetari i Prishtinës, Përparim Rama, ka bërë thirrje publike për një qasje më të kujdesshme dhe mbështetëse ndaj shëndetit mendor, duke promovuar nismën e quajtur “Të kam në mendje”, e cila po zhvillohet në bashkëpunim me Malda Susurin. Nëpërmjet një deklarate publike, Rama ka vënë në pah se mirëqenia mendore është një dimension kyç i jetës sonë të përditshme, ndërkohë që një numër i madh qytetarësh përballen me sfida të brendshme që shpeshkalojnë pa u vënë re nga të tjerët. Ai ka shpjeguar se ky projekt shërben si platformë për përcjelljen e mesazheve sensibilizuese, me qëllim ngritjen e vetëdijes kolektive për rëndësinë e trajtimit të shëndetit mendor dhe inkurajimin e një ambienti më të hapur për diskutimin e këtyre temave. Sipas kreut të Kryeqytetit, çdo individ gëzon të drejtën të dëgjohet, të kuptohet dhe të përfitojë mbështetjen e domosdoshme në momente të vështira. Rama ka theksuar gjithashtu vizionin e komunës për të krijuar një ambient urban ku qytetarët ndihen plotësisht të pranuar dhe të mbrojtur, duke shtuar se edhe veprimet më të vogla dashamirëse mund të bëjnë diferencën për ata që po kalojnë periudha sfiduese. “Ndoshta nuk mund t’ia lehtësojmë dikujt çdo barrë, por mund t’i tregojmë se nuk ka pse ta mbajë vetëm”, ka shkruar ndër të tjera Rama.