Përfundon rrugëtimi evropian i Shqiponjës pas dramës në Gjakovë

Klubi i hendbollit Shqiponja nga Gjakova është eliminuar nga garat evropiane për këtë edicion, pasi u mposht në ndeshjen e kthimit nga ekipi izraelit, Bnot-Herzliya. Edhe pse ishte në epërsi për pjesën më të madhe të takimit të zhvilluar të shtunën në palestrën "Shani Nushi", skuadra gjakovare u mposht ngushtë me rezultatin 29:27. Me këtë fitore, duke qenë se kishin triumfuar edhe në duelin e parë, mysafiret nga Izraeli siguruan kalimin në raundin e tretë të Kupës Evropiane për hendbolliste. Në radhët e skuadrës vendase, më e dalluara ishte Sia Celine Tolno me 10 gola të shënuar, e ndjekur nga Ana Carolini Gonçalves që kontribuoi me gjashtë të tjerë. Pavarësisht një paraqitjeje shumë më cilësuar dhe të përmirësuar ndjeshëm krahasuar me ndeshjen e parë, Shqiponja nuk arriti të kurorëzojë përpjekjet me fitore në fund të takimit.