Skandal në La Liga: Protesta e tifozëve bën që të ndërpritet ndeshja Rayo Vallecano - Athletic Bilbao

Një situatë e jashtëzakonshme ka ndodhur në kampionatin spanjoll të futbollit, ku sfida ndërmjet Rayo Vallecanos dhe Athletic Bilbaos është pezulluar zyrtarisht. Shkak për këtë vendim janë bërë protestat e ashpra të mbështetësve vendas, të cilët kanë hedhur në fushën e blertë aeroplanë dhe topa letre në shenjë pakënaqësie ndaj presidentit të klubit, Martin Presa. Demonstrata e tifozëve nisi në minutën e 13-të të takimit, duke krijuar një atmosferë kaotike. Edhe pse u bënë disa përpjekje të njëpasnjëshme për të normalizuar situatën dhe për të rikthyer lojën në normalitet, arbitri kryesor u detyrua të merrte vendimin përfundimtar për ndalimin e ndeshjes, pasi kushtet për vazhdimin e saj nuk plotësoheshin më.