Kthesa e papritur: Tyson Fury paralajmëron rrezikimin e duelit madhështor me Anthony Joshua

Boksieri i njohur britanik, Tyson Fury, ka lëshuar një deklaratë të bujshme, duke pohuar se përballja e tij e shumëpritur kundër rivalit, Anthony Joshua, gjendet para një rreziku real dështimi. Vetëm pak ditë më parë, konkretisht të enjten, u konfirmua zyrtarisht se ky spektakli i peshave të rënda mes dy yjeve britanikë do të ngjisë ringun në stadiumin “Principality” të Cardiff-it, të premten, më 11 dhjetor. Ndërkohë që Turki Alalshikh, njeriu kyç i këtij sporti në Arabinë Saudite, bëri të ditur se marrëveshja dhe të gjitha detajet e ndeshjes mes dy prej boksierëve më të mëdhenj të brezit të tyre kishin marrë formën përfundimtare, Fury ka hedhur dyshime të forta për anulimin e mundshëm të këtij takimi. “Lajm i fundit: Anthony Joshua dhe Eddie Hearn po përpiqen të tërhiqen nga ndeshja,” u shpreh Fury, duke shtuar më tej: “Ata thonë se nuk do të ndeshen më. Kjo ka të bëjë kryesisht me egon e Eddie Hearn. Ai po shpik gjëra të ndryshme dhe po kërcënon se nuk do të ndeshemi”. “Gypsy King po kthehet në Mbretërinë e Bashkuar për të të shkatërruar para të gjithë fansave të mi në Uells, ndërsa ti po gjen një milion justifikime,” theksoi tutje ai. Në fund të reagimit të tij, boksieri britanik paralajmëroi: “Turki Alalshikh po gjen alternativa të tjera, burra të vërtetë që janë gati të ndeshen sa hap e mbyll sytë. Shpresoj që jeni të lumtur“.