Tentoi t'i kalonte ilegalisht në Greqi, kapet kosovari që po transportonte gjarpërinj të mbrojtur

Autoritetet kufitare në pikën e kalimit mes Maqedonisë së Veriut dhe Greqisë, konkretisht në Bogorodicë, kanë ndaluar një shtetas nga Kosova i cili po tentonte të fusni kontrabandë disa zvarranikë. Gjatë kontrollit të detajuar të automjetit të tij, zyrtarët doganorë zbuluan dhe sekuestruan gjarpërinj të fshehur në pjesë të ndryshme të veturës. Sipas njoftimit zyrtar nga Drejtoria e Doganave të Maqedonisë së Veriut, në mesin e kafshëve të kapura janë gjetur katër pitonë dhe tre lloje të tjera gjarpërinjsh. Autoritetet konfirmuan se bëhet fjalë për specie të mbrojtura me ligj, ndërsa ndaj drejtuesit të mjetit kanë nisur procedurat përkatëse ligjore për shkeljen e rregullave doganore dhe të mbrojtjes së faunës.