Kujdes në trafik nesër në Shkup: Ndryshim i qarkullimit për shkak të garës atletike

Ministria e Punëve të Brendshme ka njoftuar opinionin se ditën e nesërme, duke filluar nga ora 08:00, do të organizohet një garë vrapimi në rrugë, e cila mbështetet nga Shoqata e Klubit të Atletikës “Maratona e Shkupit“. Sipas planit të lëvizjes, gara do të nisë nga rruga “9” përpara Shtëpisë së Kulturës në komunën e Ilindenit, për të vazhduar përgjatë rrugës “534” në vendbanimin Ilinden dhe rrugës “532” në fshatin Marino. Më pas, garuesit do të kalojnë te rruga “10” në fshatin Kadino, ku te rrethrrotullimi do të bëjnë kthesë gjysmërrethore për t'u kthyer sërish nëpër të njëjtat akse – rruga “10”, rruga “532”, rruga “534” dhe rruga “9”. Nga atje, trasa vazhdon në rrugën “2” deri te Shtëpia e të Moshuarve, ku do të ketë një tjetër kthesë gjysmërrethore nëpër rrugën “2” deri te vija e finishit, e vendosur para Shtëpisë së Kulturës në rrugën “9” në vendbanimin Ilinden. Për shkak të këtij aktiviteti sportiv, Njësia e Sigurisë në Trafikun Rrugor do të ndërmarrë hapa konkretë për vendosjen e një regjimi të posaçëm të qarkullimit, duke bërë ridrejtimin e automjeteve në akset alternative përreth. Nëpërmjet një apeli zyrtar, MPB u kërkon qytetarëve që të tregojnë mirëkuptim dhe të reskpektojnë rreptësisht urdhrat dhe udhëzimet e dhëna nga efektivët e policisë përgjatë gjithë itinerarit ku do të zhvillohet gara.