Albërie Hadërgjonaj rrëfen prapaskenat e divorcit dhe raportin e sotëm me ish-bashkëshortin: Nga pakënaqësitë e së kaluarës te miqësia e fortë

Këngëtarja e mirënjohur, Albërie Hadërgjonaj, gjatë një interviste në emisionin 'Live me Luizin', ka folur hapur mbi ndikimin e divorcit në jetën e saj private dhe për frymën e re të komunikimit që ruan sot me ish-bashkëshortin. Ajo pranoi se ndonëse vitet e para pas ndarjes shoqëroheshin me ndjenja resentmenti, sot gëzon një respekt të thellë për të. Gjatë bisedës, moderatori Luizi e pyeti nëse ata vazhdojnë të bashkohen në gëzime familjare, siç janë ditëlindjet e vajzave apo mbesave. Artistja u përgjigj pa hezitim: "Patjetër, ai është flori, është djalë shumë i mirë." E pyetur nga Luizi se asnjëherë nuk dihet nëse ai ka menduar për një rikthim kohët e fundit, Albëria u shpreh: "Atë nuk e di, por duket që është shumë friendly, kështu që..." Lidhur me transformimin e raporteve nga urrejtja fillestare në miqësi, këngëtarja shpjegoi hapur prapaskenat emocionale: "Po e urreja të them të drejtën, e urreja për shumë vite që më humbi të jetës time. Do të doja shumë që çdo vajzë të kishte frenat e jetës së vet në dorë, as nëna, as baba, as vllai, as tezja, as halla, askush. Gjithkush duhet të vendosë për atë që atë e bën të ndjehet mirë. Pastaj njerëzit do të flasin. Unë sot jam si pasha, njerëzit le të flasin." Në vijim të bisedës, Luizi e ngacmoi nëse po mendon për të gjetur sërish një partner në jetë. Albëria u përgjigj me humor duke cituar një thënie të vjetër: "Gjyshi im thoshte, për grua, burrë dhe autobus, kurrë mos prit, se ka boll." Më tej, ajo shtoi këndvështrimin e saj mbi nevojën për shoqërim: "Zoti e ka krijuar që të kesh një partner jete. Edhe kur të jesh në moshë, je i ri, ke nevoja biologjike, janë të tjera kërkesa."