Kushti i çuditshëm i Dani Carvajal: Çfarë po ndodh me të ardhmen e mbrojtësit?

Mediat spanjolle kanë zbuluar së fundmi një kërkesë të papritur të ish-mbrojtësit të Real Madridit, Dani Carvajal, lidhur me një mundësi kalimi te skuadra e Getafes. Duke qenë se është futbollist i lirë pas skadimit të kontratës me “Los Blancos” në fund të sezonit të kaluar, Carvajal gëzon lirinë për të firmosur me çdo klub në çdo kohë, pa u kushtëzuar nga periudhat zyrtare të merkatos. Sipas informacioneve të bëra publike nga radio “Marca”, lojësori është shprehur i gatshëm të ulë ndjeshëm pretendentët e tij financiarë për të mbrojtur ngjyrat e Getafes, por me kushtin që marrëveshja të përmbajë një detaj të panegociueshëm. Bëhet fjalë për një klauzolë që i jep atij lirinë e plotë për t'u larguar nga Getafe gjatë merkatos së dimrit, në rast se në adresa e tij vjen ndonjë ofertë joshëse nga një klub tjetër. Vlen theksuar se më parë mbrojtësi kishte kaluar me sukses kontrollet mjekësore, por lëvizja e tij u bllokua nga La Liga për shkak të rregulloreve specifike. Në praktikë, kjo do të thoshte se Carvajal kërkonte një angazhim afatshkurtër prej tre muajsh, deri në hapjen e dritares verore të transferimeve, me pëlqimin e ndërsjellë të të dyja palëve. Pavarësisht dëshirës së lojtarit, drejtuesit e Getafes nuk janë treguar entuziastë ndaj kësaj formule të pazakontë bashkëpunimi. Burimet e njëjta bëjnë me dije se kjo kërkesë specifike e mbrojtësit ka krijuar një distancim dhe një hije dyshimi mes dy palëve në negociata.