Tragjedia në Gjilan, imami rrëfen momentin prekës: Egzoni fali xhumanë e fundit në xhaminë tonë

Imami i Xhamisë në Dheun e Bardhë, Bashkim Bajrami, ka shprehur tronditjen dhe pikëllimin e tij të thellë lidhur me vrasjen e dyfishtë të ndodhur në Livoç të Ulët të Gjilanit, ku humbën jetën Egzon Bogujevci dhe motra e tij, Nafije Bogujevci. Për këtë ngjarje të rëndë, dyshohet se është autor bashkëshorti i Nafijes, Valon Ramushi, i cili tashmë është dorëzuar në organet e rendit. Nëpërmjet një reagimi publik në rrjetet sociale, imami Bajrami ka vënë në pah përkushtimin fetar të viktimave, të cilët ishin frekuentues të rregullt të xhamisë. Ai ka ndarë me ndjekësit një detaj shumë emocional nga dita e ngjarjes tragjike, duke treguar se Egzoni kishte kryer obligimin e namazit të xhumasë dhe kishte dëgjuar predikimin e tij për herë të fundit pak kohë para se t'i merrte jeta. Duke shprehur ngushëllimet më të sinqerta për familjen, imami ka lutur Krijuesin që t'ishirojë shpirtrat e viktimave dhe t'u japë forcë e durim familjarëve për të përballuar këtë humbje të pariparueshme, ndërsa ka përmendur edhe përkujdesjen për fëmijët e ndjerë. "Të Allahut jemi dhe tek Ai do të kthehemi", ka përfunduar ai mesazhin e tij ngushëllues.