Kreu i FSK-së, Bashkim Jashari, viziton në presidencë shefen e re të shtetit, Justina Shiroka Pula

Presidentja e Republikës së Kosovës, Justina Shiroka Pula, ka zhvilluar një takim zyrtar me komandantin e Forcës së Sigurisë së Kosovës (FSK), gjenerallejtënant Bashkim Jashari. Gjatë këtij takimi, kreu i FSK-së i ka përcjellë urimet e tij më të sinqerta zonjës Shiroka Pula për marrjen e përgjegjësive të larta shtetërore në krye të vendit. Në njoftimin zyrtar bëhet e ditur se në fokus të bisedës kanë qenë sfidat dhe zhvillimet e fundit të sigurisë, si dhe domosdoshmëria e intensifikimit të përpjekjeve për të ngritur më tej kapacitetet profesionale dhe operacionale të ushtrisë kosovare.