Plaga e hapur e Artetës: Humbja në finale ende djeg, por rinovimi deri në 2031 sjell optimizëm

Për trajnerin e Arsenalit, Mikel Arteta, zhgënjimi i pësuar në finalen e Champions League përballë Paris Saint-Germain mbetet një kujtim i dhimbshëm që vazhdon ta përcjellë. Edhe pse kanë kaluar disa muaj nga ajo sfidë vendimtare, strategu spanjoll e cilëson ende atë disfatë si një plagë të hapur, në një kohë kur pak ditë më parë zyrtarizoi vazhdimin e bashkëpunimit me “topçinjtë” deri në vitin 2031. Duke sjellë në vëmendje mesazhet e dikurshme të mentorit të tij, Arsène Wenger, tekniku nga Spanja u shpreh hapur mbi ndjenjat e tij: “E kam ende atë plagë, atë helm në vena. Ajo duhet të mbetet aty sepse kështu mësohet, dhe me gjasë do të jetë një shtysë e madhe jo vetëm për mua por për të gjithë ne.” Gjatë prononcimit të tij, trajneri bask nuk la pa përmendur edhe arritjen historike të klubit, duke u ndalur te triumfi i merituar në kampionat: “Vjet bëmë diçka të madhe, fituam titullin pas 22 vitesh, duke kapërcyer konkurrencën e rivalëve të vjetër. Ai triumph është një moment i veçantë për të gjithë, që do ta kujtojmë për gjithë jetën“, përfundoi ai.