Vështirësi në karrierë për Anis Mehmetin, ylli i Kombëtarja pëson rënie drastike në treg

Anis Mehmeti ka regjistruar një ulje të ndjeshme të vlerës së tij në faqen e specializuar të transferimeve “Transfermarkt”, duke zbritur në kuotën e 13 milionë eurove. Për mesfushorin me tipare sulmuesi, kjo përkthehet në një zhvlerësim prej dy milionë eurosh krahasuar me shifrat e mëparshme. 24-vjeçari po kalon një periudhë delikate në rrugëtimin e tij sportiv. Te skuadra e Ipsuiç, ai është lënë jashtë llogarive, duke u detyruar t'i ndjekë ndeshjet nga tribuna dhe duke humbur vendin madje edhe në stolin e rezeromave. Ky ngërç aktivizimi ka ndikuar direkt edhe në kuotimin e tij financiar, pasi më parë ai kishte arritur majën e karrierës me një vlerë prej 15 milionë eurosh. Në këto rrethana, një largim i mundshëm gjatë merkatos së janarit duket një skenar shumë i prekshëm. Gjatë sesionit veror të transferimeve, Mehmeti refuzoi kalimin në Championship, pavarësisht interesimit konkret nga Reksam, Derbi dhe Birmingham, të cilat ishin të gatshme të paguanin deri në 10 milionë euro për shërbimet e tij. Pavarësisht kësaj kthese, Mehmeti ruajt kreun e listës si futbollisti me vlerën më të lartë ekonomike në radhët e Kombëtares kuqezi. Pas tij, në hierarkinë e vlerave të tregut pozicionohen Kristjan Asllani me 12 milionë euro, Ernest Muçi me 11 milionë euro, si dhe Mirlind Daku që vlerësohet me 10 milionë euro.