Moti për të premten: Rrebeshe shiu, shkarkesa rrufesh dhe ulje të temperaturave

Fundjava do të nisë me kushte të paqëndrueshme atmosferike. Gjatë orëve të para të ditës së premte, vendi do të përfshihet nga rrebeshe lokale shiu, të cilat në disa zona do të shoqërohen edhe me shkarkesa rrufesh, me intensitet më të lkryesisht në Rrafshin e Dukagjinit. Sipas parashikimeve meterologjike, pjesa e mbetur e ditës do të karakterizohet nga vranësira të shpeshta që do të alternohen me intervale me diell. Megjithatë, herë pas here priten sërish reshje shiu në formë rrebeshesh dhe shkarkesa elektrike, duke u fokusuar sërish në Rrafshin e Dukagjinit. Sa i përket erës, ajo do të fryjë nga drejtime të ndryshme, duke arritur shpejtësi mesatare prej 13 deri në 39 kilometra në orë. Temperaturat do të shënojnë ulje; vlerat minimale do të lëvizin mes 10 dhe 15 gradë Celsius, ndërsa temperaturat maksimale gjatë ditës do arijnë nga 20 deri në 23 gradë Celsius.