Skema e call center-ave: GJKKO liron nga qelia Greta Gjocin dhe pezullon dënimin për një vit

Greta Gjoci, e cila ishte dënuar në kuadër të hetimeve për mashtrimet përmes qendrave të thirrjeve (call center), është lënë e lirë dhe është kthyer në shtëpi pranë foshnjës së saj. Sipas informacioneve të siguruara nga gazetarja Anila Hoxha, Gjykata e Posaçme Kundër Korrupsionit dhe Krimit të Organizuar (GJKKO) ka vendosur që të mos e ekzekutojë dënimin e saj për një periudhë prej një viti. Avokati mbrojtës i Gjocit, Jurgen Boçi, ka bërë të ditur se për shkak të këtij rasti të ndjeshëm familjar, ai ka vendosur të thyejë bojkotin e avokatëve. Gjoci ishte dënuar më parë me 6 vite e 8 muaj burg si pjesë e një grupi kriminal në fushën e call center-ave, ndërsa historia e saj bëri bujë të madhe në opinionin publik pasi u detyrua të vuante masën e sigurisë në qeli bashkë me fëmijën e mitur.