“Si do të ndihej po ta shihte sot…” – Rrëfimi prekës i Selvije Jaos për rritjen e djalit pa praninë e Shpat Kasapit

Selvije Jao, bashkëshortja e artistit të ndjerë Shpat Kasapi, ka prekur ndjekësit në rrjetet sociale përmes një mesazhi emocional, ku ka sjellë në vëmendje kujtimin e këngëtarit përmes çasteve të bukura me djalin e tyre, Roelin. Në imazhet e shpërndara në profilin e saj, Shpati shihet pranë të birit, ndërsa Selvija ka shprehur hapur dhimbjen e thellë që e shoqëron çdo ditë teksa dëshmon rritjen e vogëlushit larg babait të tij. “Nuk ka ditë që të mos pyes veten si do të ndihej Shpati po ta shihte Roelin sot. Sa krenar do të ishte për çdo fjalë, hap e arritje të tij… por nuk ndryshohet dot caktimi i të Madhit Allah!”, ka shkruar ajo në dedikimin e saj.