Më të dashuruar se kurrë: Dua Lipa dhe Callum Turner shfaqen duke u puthur publikisht në Nju Jork

Ylli i muzikës pop Dua Lipa dhe bashkëshorti i saj, aktori Callum Turner, kanë dëshmuar sërish se po shijojnë ditët më të bukura të lidhjes së tyre, duke u shfaqur mjaft romantikë në publik gjatë një ndeshjeje të bejsbollit në stadiumin “Yankee Stadium” të mërkurën. Këngëtarja 31-vjeçare dhe aktori 36-vjeçar kurorëzuan dashurinë e lor në muajin maj në regjistrin civil të “Marylebone Town Hall” në Londër, ndërsa më vonë, në qershor, festuan me një ceremoni madhështore disaditore në Itali. Tërësisht të zhytur në botën e tyre, dyshja u kapën mat nga kamerat duke shkëmbyer puthje dhe përqafime të ngrohta gjatë ndeshjes së rëndësishme play-off të serisë divizionale të Ligës Amerikane mes New York Yankees dhe Tampa Bay Rays. Për këtë dalje publike, Dua u kujdes të tërhiqte të gjitha vëmendjet me shijen e saj unike në modë, e veshur me një xhaketë elegante në nuancë të kuqe të errët me print krokodili, ndërsa flokët e saj të zinj binin natyralisht mbi supe. Nga ana tjetër, Callum kishte zgjedhur një stil më komod dhe sportiv, duke u shfaqur me një triko ngjyrë krem me zinxhir dhe teksturë tërheqëse, teksa në dorë mbante një dorashkë gjigante prej shkume në ngjyrë blu për të mbështetur skuadrën e njohur të Nju Jorkut. Gjatë mbrëmjes, çifti i famshëm shoqërua nga atmosfera dinamike e stadiumit, madje u panë duke biseduar dhe kaluar momente të këndshme me “Marlins Man”, tifozin e njohur në rrjetin social X që njihet gjerësisht për pasionin e tij ndaj ekipit Miami Marlins.