Chelsea përgatit terrenin për transferimin e bujshëm të Rayan Cherki-t

Chelsea ka shfaqur sërish interesim konkret për shërbimet e yllit të Manchester City-t, Rayan Cherki, duke planifikuar një ofensivë të mundshme për sigurimin e kartonit të tij gjatë afatit kalimtar të verës së vitit 2027. Sipas informacioneve të fundit, drejtuesit e klubit londinez po ndjekin me vëmendje zhvillimet te Manchester City. Lëvizja e “Bluve” mund të materializohet nëse situata financiare e kampionëve në fuqi të Anglisë, e shoqëruar me sanksionet e mundshme ndaj klubit, do t'i detyronte ata ta nxirrnin në shitje 23-vjeçarin francez. Cherki, i cili është integruar në radhët e Manchester City-t, është kthyer në një ndër lojtarët më të kërkuar në tregun evropian. Përveç Chelseat, në garë për të siguruar nënshkrimin e tij janë edhe gjigantët si Real Madrid, Paris Saint-Germain dhe Liverpool. Vlera e kartonit të futbollistit vlerësohet në treg rreth 76 milionë funte. Kjo shifër e konsiderueshme pritet ta shndërrojë transferimin e tij në një prej operacioneve më të rëndësishme dhe më të përfolura të merkatos së vitit 2027. Chelsea e ka vendosur zyrtarisht emrin e francezit në listën e prioriteteve, ndërsa e ardhmja e lojtarit mbetet e lidhur ngushtë me stabilitetin dhe zhvillimet e brendshme te Manchester City.