Perspektiva evropiane e Kosovës, eurodeputeti Terras kërkon angazhim maksimal në reforma

Raportuesi i Parlamentit Evropian për Kosovën, Riho Terras, ka theksuar se popullata e Kosovës shfaq një mbështetje jashtëzakonisht të lartë për integrimin e vendit në Bashkimin Evropian. Përmes një reagimi të publikuar në rrjetin social X, Terras ka potencuar se situata aktuale e qëndrueshmërisë institucionale në vend duhet të shërbejë si një mundësi e artë për të shtyrë përpara reformat e nevojshme dhe për të stimuluar zhvillimin ekonomik. "Qytetarët e Kosovës e mbështesin në masë dërrmuese anëtarësimin në BE. Stabiliteti institucional tani duhet të sjellë reforma dhe rritje ekonomike," ka theksuar ai në mesazhin e tij. Lidhur me funksionin e tij, eurodeputeti ka bërë me dijení se synon të forcojë dhe intensifikojë bashkëpunimin me strukturat udhëheqëse në Prishtinë, me synimin e qartë për të përshpejtuar hapat e Kosovës drejt familjes evropiane. "Si raportues i Parlamentit Evropian për Kosovën, do ta shtoj bashkëpunimin me institucionet e saj për të avancuar rrugën evropiane të vendit," ka shtuar më tej Terras. Këto mesazhe vijnë në një periudhë kur procesi i integrimit evropian vazhdon të ruajë vendin e parë në listën e prioriteteve të politikës shtetërore dhe agjendës zyrtare të Kosovës.