Dhuna e pretenduar në protestë, veterani Gazmend Bytyçi denoncon rastin në IPK

Veterani i luftës, Gazmend Bytyçi, ka ndërmarrë hapa zyrtarë duke i drejtuar Inspektoratit Policor të Kosovës një denoncim lidhur me trajtimin e dhunshëm që pretendon se i është bërë nga disa efektivë të rendit gjatë protestës së fundit në kryeqytet. Në një prononcim publik, Bytyçi ka theksuar se megjithatë ruan besimin e plotë te institucionet e sigurisë dhe te Policisë së Kosovës në përgjithësi. Sapo paraqita rastin në Inspektoratin Policor për ata policë që ushtruan dhunë mbi mua dhe mbi protestuesit e tjerë. Unë besoj në policinë time! Unë nuk toleroj huliganë në uniformën e Policisë. Këtë shtet e kemi krijuar me gjak, nëse është e nevojshme, do ta mbrojmë me gjak. Rroftë Republika e Kosovës!