Dhuna gjatë protestës në kryeqytet, veterani Gazmend Bytyçi denoncon efektivët në IPK

Veterani i luftës, Gazmend Bytyçi, i ka drejtuar zyrtarisht një kallëzim Inspektoratit Policor të Kosovës, pasi u bë shënjestër e dhunës fizike nga disa pjesëtarë të forcave të rendit gjatë një proteste të zhvilluar në Prishtinë. Pavarësisht trajtimit të ashpër që mori, Bytyçi ka theksuar se ruan besimin e plotë tek institucionet e sigurisë së vendit, por ka bërë të qartë se nuk do të lejojë që uniforma zyrtare të njolloset nga sjellje të papranueshme. Në një deklaratë publike pas paraqitjes së rastit, ai u shpreh se askush nuk mund të jetë mbi ligjin dhe shtetin. “Askush mbi shtetin! Sapo paraqita rastin në Inspektoratin Policor për ata policë që ushtruan dhunë mbi mua dhe mbi protestuesit e tjerë. Unë besoj në shtetin tim! Unë besoj në policinë time! Unë nuk toleroj huliganë në uniformën e Policisë. Këtë shtet e kemi krijuar me gjak, nëse është e nevojshme, do ta mbrojmë me gjak. Rroftë Republika e Kosovës!”, citohet të ketë thënë Bytyçi.