Pranga të dyshuarit për dhunë ndaj gazetarit Jeton Sopa gjatë protestës pranë Kuvendit

Autoritetet policore kanë prangosur personin e dyshuar për sulmin fizik ndaj gazetarit Jeton Sopa, ngjarje kjo e regjistruar gjatë një tubimi protestues në afërsi të ndërtesës së Kuvendit të Kosovës. Konfirmimi zyrtar për këtë arrestim ka ardhur nga vetë Policia e Kosovës. I dyshuari, i identifikuar me inicialet L.G., dyshohet se ka ndërhyrë dhunshëm ndaj reporterit Sopa në momentin që ky i fundit po përcillte zhvillimet nga terreni. Për shkak të pengimit flagrant gjatë ushtrimit të profesionit të tij, gazetari kishte adresuar menjëherë rastin në organet e rendit. Operacioni për vënien në pranga të personit në fjalë është finalizuar pas një sërë veprimesh hetimore të ndërmarra nga autoritetet kompetente. Ndaj të dyshuarit tashmë kanë nisur procedurat e rregullta ligjore për të sqaruar plotësisht rrethanat e incidentit. Kujtojmë se incidenti ndaj gazetarit Jeton Sopa kishte ndodhur më datë 5 tetor, në kohën po zhvillohej një protestë pranë legjislativit, ku protestuesit po kërkonin nga institucionet miratimin e ndryshimeve në Ligjin për Dhomat e Specializuara.