Yamal i pakënaqur me veten, Pedri zbulon prapaskenat pas fitores ndaj Kroacisë

Pavarësisht paraqitjes fantastike dhe triumfit 2-1 të Spanjës përballë Kroacisë, talenti i jashtëzakonshëm Lamine Yamal ka mbetur i zhgënjyer me kontributin e tij personal në fushën e lojës. Këtë detaj e ka bërë të publike mesfushori Pedri, i cili ka treguar se anësori i rinj ka dalë nga fusha i zemëruar për shkak të rasteve të shpërdoruara dhe mungesës së finalizimit të suksesshëm. “Bëri sërish një ndeshje të madhe, por i mungoi saktësia dhe ajo prekje e veçantë që e ka karakterizuar në sfidat e kaluara. Ai mërzitet jashtëzakonisht shumë kur lënë pas dore raste kaq të mira, madje edhe në stol e shfaqni këtë pakënaqësi”, u shpreh Pedri në deklaratën e tij. Gjatë duelit të zhvilluar në Split, iberiku i ri rezultoi ndër armët më vdekjeprurëse të Spanjës. Pavarësisht se nuk e gjeti rrugën e rrjetës, depërtimet dhe driblimet e tij terrorizuan vazhdimisht prapavijën kroate. Sipas mesfushorit katalanas, kjo qasje dëshmon mentalitetin e lartë të sulmuesit, i cili nuk kënaqet kurrë me pak dhe kërkon gjithmonë perfeksionin nga vetja. “Është një futbollist që nuk bën kompromise me paraqitjen e tij. Ai synon gjithmonë të lërë shenjë në portë dhe të ndihmojë skuadrën. Edhe në rastet kur nuk shënon apo nuk pason për gol, prania e tij është vendimtare pasi tërheq mbrojtësit dhe hap hapësira për shokët e skuadrës”, shtoi ai. Në fjalët e tij përmbyllëse, Pedri vlerësoi lart peshën e bashkëlojtarit: “Kemi të bëjmë me një element diferencial që na garanton cilësi të lartë. Jemi me fat që e kemi pjesë të kombëtares dhe të Barcelonës”. Në kohën kur Spanja siguroi tre pikë jetike përmes një përmbysjeje mbresëlënëse, Yamal synon ta përdorë këtë pakënaqësi si shtysë për të shkëlqyer në sfidat e ardhshme.