Tensionohet situata para Kuvendit: Protestuesit hedhin mjete piroteknike drejt forcave të rendit

Një numër i madh qytetarësh janë tubuar në sheshin “Skënderbeu”, në afërsi të hyrjes së Kuvendit të Republikës së Kosovës, për të vazhduar protestën ku kërkohet miratimi i ndryshimeve ligjore për Dhomat e Specializuara. Tubuesit janë pozicionuar në sheshin para ndërtesës legjislative, duke bërë thirrje që deputetët t'i japin dritën jeshile ndryshimeve në këtë ligj gjatë shqyrtimit të dytë. Në përgjigje të kësaj situate, Policia e Kosovës ka ngritur nivelin e gatishmërisë, duke përforcuar praninë e saj dhe masat e sigurisë në perimetrin e Kuvendit dhe institucioneve të tjera përreth. Gjatë zhvillimit të tubimit, situata ka shfaqur shenja tensioni kur disa nga pjesëmarrësit, të revoltuar nga ngjarjet e fundit, kanë hedhur mjete piroteknike në drejtim të hyrjes së ndërtesës, aty ku ishin pozicionuar efektivët e policisë. Kjo protestë vjen në një periudhë kur nisma për plotësim-ndryshimin e Ligjit për Dhomat e Specializuara ende nuk ka mbërritur në tavolinën e deputetëve për t'u votuar në lexim të dytë në Kuvend.