Nderim historik për yllin argjentinas: Universiteti i Buenos Airesit shpall “doktor” Lionel Messin

Kryekomandanti i fushës së blertë, Lionel Messi, ka shtuar një tjetër trofe të veçantë në biografinë e tij, kësaj radhe në fushën akademike, pasi Universiteti i Buenos Airesit i ka ndarë titullin prestigjioz të doktoraturës së nderit, pak përpara paraqitjes së tij të fundit me fanellën e kombëtares argëtine para publikut vendas. Ky titull përfaqëson akreditimin më të lartë shkencor që ky institucion arsimor ofron, duke vlerësuar jo vetëm karrierën e jashtëzakonshme sportive të sulmuesit, por edhe përkushtimin, qëndrueshmërinë dhe gjurmët e pashlyeshme që ai ka lënë në mozaikun kulturor dhe identitar të Argjentinës. Ky zhvillim akademik ndodh në një periudhë tejet emocionale për 39-vjeçarin, i cili gjendet në prag të ndeshjes së tij të fundit zyrtare në tokën argëtinase si pjesë e përfaqësueses kombëtare. Duke filluar nga sot, admiruesit e tij të shumtë anembanë botës, dhe veçanërisht në vendlindje, do të kenë mundësinë t'i drejtohen legjendës së futbollit edhe me titullin e ri zyrtar: “Dr. Lionel Messi”.