“Më duhet një ndërmjetës” – Kurti i kërkon gazetarëve t’i çojnë mesazh Bedri Hamzës

Kryeministri i Kosovës, Albin Kurti, ka përdorur një qasje të pazakontë në konferencën e tij për media, duke u kërkuar përfaqësuesve të medieve që të luajnë rolin e ndërmjetësit mes tij dhe kryetarit të Partisë Demokratike të Kosovës (PDK), Bedri Hamza, lidhur me nismën e fundit për nominimet presidenciale. Gjatë fjalës së tij, kreu i ekzekutivit sqaroi se gazetarët nuk kanë pse të lodhen duke kontaktuar figura të tjera si Glauk Konjufca apo Feride Rushiti, me arsyetimin se për ta do të kujdeset personalisht në rrafshin e komunikimit. Megjithatë, ai lëshoi një thirrje të hapur drejt gazetarëve që ta pyesin Hamzën se cili është qëndrimi i tij rreth kësaj propozede të dala nga subjekti fitues. “Më lejoni të ju lus, pas kësaj konference mos i thërrisni Glaukun dhe Feriden, por ma pyesni kryetarin e PDK-së, Bedri Hamzën, se çfarë mendon për propozimin e kryeministrit dhe të subjektit fitues”, u shpreh Kurti para të pranishmëve. Duke theksuar sërish se linjat e komunikimit me Konjufcën dhe Rushitin janë të hapura drejtpërdrejt prej tij, shefi i Qeverisë ritheksoi se kontakti me kreun e PDK-së po rezulton sfidues, duke kërkuar kështu ndihmën e gazetarëve. “Me Glaukun e Feriden flas unë, besoni, nuk keni nevojë që të flisni ju, unë flas me ta. Por ju flisni me Bedri Hamzën, sepse s’po mund ta takoj, neve po na duhet një ndërmjetësues tash”, përfundoi Kurti.